Ижкарын мерлыко огазеяськонъёслэн футзалъя чемпионатсы ортчоз

23 – 24-тӥ тулыспалэ лулчеберетъя «Металлург» юртлэн спорт комплексаз Удмурт Элькунысь йӧскалык мерлыко огазеяськонъёс куспын футзалъя элькун чемпионат ортчоз. Ужрад Атыкай музъемез утисъёслэн нуналзылы сӥземын.

Чемпионат радъяське Элькунысь армянъёслэн «Урарту» мерлыко огазеяськонзылэн кичӧлтэменызы. Валтӥсь меретэз – пӧртэм выжыысь калыкъёслы ог-огзэс валаны юрттон, эшъяськон кусыпъёссэс радъян, кужмо спортсменъёсты шараян.

Ӵошатсконэ пыриськыны быгато 16 ареслэсь бадӟымгес луись мерлыко огазеяськонъёслэн ёзчиоссы. Котькуд командаын луыны кулэ 10 адями (5- валтӥсь шудисьёс, 5 – запса шудӥсьёс).

Ӵошатсконлэн радлыкез:

23-тӥ тулыспал:

11.00 – Чемпионатэз сӥё-дано усьтон, командаослэн жеребьёвказы

12.00 – 20.00 – Футболнэн шудон.

24-тӥ тулыспал:

11.00 – 18.00 – Финал. Вормисьёсты данъян.

Чемпионатэ пыриськон понна вазиськонъёс келяно 20-тӥ тулыспалозь таӵе адресэ: Удмурт Элькун, Орджоникидзе ур., 33а юрт, Калыкъёслэн Эшъяськон юртсы, 211-тӥ каб., вазиськонэз озьы ик келяны луэ ddnodm@mail.ru электрон почтае но.

Юалляськоно таӵе телефонъёсъя: 8 (3412) 63-10-41 – Калыкъёслэн эшъяськон юртысьтызы йӧскалык кусыпъёсъя ёзэт — Царева Мария Алексеевна но Широкова Светлана Евгеньевна.