Ижкарысь 280-тӥ номеро нылпи садысь визьнодасьёс 21-тӥ ползэ радъяло ни нылпи фестивалез, кудӥз туэ йӧскалык костюмъёслы сӥземын. Ужрадлы нылпиос но анай-атайёс тыршыса дасяськизы – нырысь ик калыкъёслэн костюмъёсынызы тодматсконъя ӵектосэз эскеризы. Собере ужзылэсь йылпумъянъёссэ сцена вылын возьматӥзы.

Концертлэсь азьло ик нылпиос тодматӥзы нимысьтыз сэрегъёсын, кудъёсыз пӧртэм калыкъёслы сӥземын. Берло ини лыктэм куноослы визьнодасьёсын ӵош зэмос спектакль пуктӥзы. Солэн валтӥсь героез – вуриськись, кудӥз калык дӥськутъёслэсь пӧртэм люкетъёссэ ватсаны юрттылӥз.

Данак кылъем кырӟанъёс, удмурт калыклэн эктонъёсыз паймытӥзы учкисьёсты. Нылпиос но визнодасьёс сяна, концертэ озьы ик пыриськизы анай-атайёс, соослэсь бадӟым юрттэт сётыны быгатэмзэс пусйытэк уг луы.

2002-тӥ арысен таӵе фестивалез радъям понна, лыктэм куноос но ужюлтошъёс тау кылъёс веразы нылпи садлэн кивалтӥсезлы Галина Бергерлы. Ужрад узыр йӧскалыкъем музъеммылэсь улӥсьёссэ нош ик огазеяны быгатӥз.