15-тӥ коньывуонэ Ижкарын «Мир в диалоге» муниципал кылдытэтъёслы сӥзем улосвылкуспо форум ортчиз. Ужрад пыриськисьёслы луонлык сётӥз йӧскалык политика удысысь азинлыко муниципал ужъёсты вань кунмылы адӟытыны. Куноос, ужъюлтошъёссылэсь люкам опытсэс эскерем сяна, экспертъёслэсь визь-кенеш басьтӥзы.

Форумлэн ужпумъёсыз «Семья» но «Егитъёс но пиналъёс» йӧскалык ӵектосъёслэн, кудъёссэ Россиысь Азьмуртмы юнматӥз, быдэсак югдуръёсызлы тупало.

Калыкъёслэн Эшъяськон юртазы туннэ вуылӥзы федерал экспертъёс, ӵектосъёслэн авторъёссы – УЭ-ысь муниципалитетъёсысь йӧскалык политикая ужъюгдуръёсыз эскерись огмуртъёс, озьы ик Москваысь но Москва улосысь, Татарстанысь, Марий Элысь, Мордовиысь, Перм, Ленинград, Тюмень, Оренбург, Новосибирск но Киров улосъёсысь ужудысчиос вал. Со сяна эшлыко кусыпъёс кунсьӧр студентъёсын но азинтӥське, соин ик форумын Китай, Иран, Узбекистан но Таджикистан кунъёсысь егитъёс лыктэмын вал.

Куноосты Удмуртиысь Тӧролэн но Кивалтэтлэн Администрацизылэн кивалтӥсез Александр Журавлев ӟечкылаз.

Ужрадэ йӧскалык ужъёсъя Кун Думалэн Комитетлэн делегациез пыриськиз. Элькунамы соос кенешон ортчытозы, со сяна тужгес но усто муниципал практикаосын тодматскозы, Сарапулэ, Воткакаре, Брангуртэ но Лудорвае вуылозы.

Ужрад улсын йӧскалык кусыпъёсъя удысысь тужгес но усто муниципал практикаосъя Элькун вожвылъяськонлэн данъетанэз ортчиз. Ужъёссэз пыриськисьёс вазен келяллязы, УЭ-ысь Йӧскалык политикая министерство но «Удмуртия» книгапоттонни, Мерлык палаталэн ёзчиосыз, Россиысь калыкъёслэн ассамблеязы, ӵектосъя менеджеръёс мед эскерыны вуттозы шуыса.

Таӵе йылпумъянъёс луизы:
1-тӥ степенё диплом — «Маршрут «Наследники Великой Победы» ӵектос, Ольга Арасланова;

1-тӥ степенё диплом — «Межрайонный межнациональный форум «Диалог народов-диалог культур» ӵектос, Татьяна Буторина;

2-тӥ степенё диплом — «Краеведческая шкатулка «Мы в Удмуртии живем, ее родиной зовем!» ӵектос, Валентина Наумова;

3-тӥ степенё диплом — «Дни национальных культур» ӵектос, Любовь Куршина;

1-тӥ степенё диплом — «Воршуд (дух-покровитель рода)» ӵектос, Наталья Чазова;

2-тӥ степенё диплом — «Ваче ки. Рука об руку» ӵектос, Лариса Печникова;

3-тӥ степенё диплом — «Коммунарские сборы «Пазял юмшанъёс» ӵектос, Наталья Чувашова;

3-тӥ степенё диплом — «Квест — экскурсия «По следам старообрядцев» ӵектос, Елена Трясцина.

Собере форум куать пӧртэм площадкаосын ужзэ мыло-кыдо радъяз.