28-тӥ тулыспалэ Удмурт кун университетын но Немец лулчеберетъя центрын немец кылын диктант гожтозы. Ужрад ортче «Totales Diktat» огъя Росси акци улсын. Акциез ортчыто «Международный союз немецкой культуры» мерлыко огазеяськонъёслэн ассоциацизы но «Томский областной Российско-немецкий Дом» лулчеберетъя аскивалтӥсь ужъюрт. Диктант гожтон сӥземын Анай кыллэн калыккуспо нуналэзлы. Валтӥсь мугез – немец кылэз вӧлмытон но сое дышетыны мылкыд пыӵатон. Ижкарын ужрадэз ортчытэ « Удмурт Элькунысь немец лулчеберетъя автономи» мерлыко огазеяськон. Текстэз лыдӟоз Германиысь студент Ханна Обердорфер.

21-тӥ тулыспалэ диктантэз гожтӥзы ини 22-тӥ номеро лицейысь дышетскисьёс, нош 28-тӥ тулыспалэ ужрадэ пыриськыны луоз Удмурт кун университетлэн лыдӟиськоннияз (410-тӥ болет, кутсконэз 11.00 часэ) но Немец лулчеберетъя центрын (Пушкинская ур., 156-21, кутсконэз 18.00 часэ).

Ватсаса ивортодэт басьтыны луэ таӵе телефонъя: 89128510800 – Майя Шушкова, Удмурт Элькунысь немец лулчеберетъя автономилэн кивалтӥсез.