29-тӥ оштолэзе Калыкъёслэн эшъяськон юртазы радъяськоз «Удмуртиысь бигеръёс: историзы, сям-йылолъёссы но туала улонзы» улосвылкуспо тодос конференци. Ужрад кутскоз 10.00 часын. Конференци ортчытӥське Татарстан Элькунысь лулчеберетъя министерстволэн грантэн висъям коньдонэзлы.

Валтӥсь ужпумъёсыз: Удмурт Элькунлэн азинтӥськон сюресаз бигер калыклэсь интызэ эскерон, Удмурт Элькунын улӥсь бигеръёслэсь историзэс, лулчеберетсэс эскерон.

Конференциез радъясьёс: Удмурт Элькунысь йӧскалык политикая министерство, История, кылъя но литературая удмурт институт, Дышетон удысысь ужасьёслэсь быгатонлыксэс будэтонъя Удмурт Элькунысь институт, Удмурт Элькунысь бигеръёслэн автономизы, Удмурт Элькунысь бигеръёслэн мерлыко центрзы, Калыкъёслэн эшъяськон юртсы.

Ужалозы 3 секциос: 1-тӥ секци: Удмуртиысь бигеръёслэн азинтӥськон сюрессы. 2-тӥ секци: Удмурт улосын улӥсь бигеръёслэн лулчеберетсы. 3-тӥ секци: Егит тодосчиос.

Ватсаса тодэт басьтыны луоз таӵе телефонъёсъя: 8-922-507-90 80, (3412) 68-69-66

– Мушегова Людмила Владимировна, Удмурт Элькунысь йӧскалык политикая министерствоысь ӧнерчи;

(3412) 51-09-98, 78-35-43, 8-950-159-18-84 – Габбасова Рамзия Ильдусовна, «Янарыш» газетлэн редакторез;

8-922-506-99-55 – Касимов Рустам Нуруллович, истори тодосъя кандидат, Дышетон удысысь ужасьёслэсь быгатонлыксэс будэтонъя Удмурт Элькунысь институтысь доцент.