21-тӥ инвожое Ижкарын С.М. Киров нимо паркын но «Купол» заводлэн стадионаз бигер но башкир калыклэн «Сабантуй» шулдыръяськонэз ортчоз.

Котькуд арын шулдыръяськон нимысьтыз темалы сӥземын луэ. Туэ татын бигер калыклэн геройёсыныз тодматскон ортчоз. Удмурт Элькунысь йöскалык политикая министрлэсь ужзэ быдэсъясь Л.Н. Буранова пусъе: «Туала Сабантуй калыклэсь инкуазез но сям-йылолъёсты гажамзэ гинэ уг возьматы, со возьматэ пöртэм калыкъёслэсь ог-огзэс гажамзэс но. Таиз тупаса улонлэн инъетэз луэ ини».

Шулдыръяськонэ элькунысь но бускель улосъёсысь бигеръёс но башкиръёс сяна, удмуртъёс, зучъёс, чувашъёс, поръёс но мукет калыкъёс пыриськозы. Куноосты шулдыртозы элькунысь пöртэм коллективъёс, быдэс нунал ужалозы турлы площадкаос. Шулдыръяськонэз радъяло бигеръёслэн мерлыко огазеяськонъёссы но Удмурт Элькунысь йӧскалык политикая министерство.

Шулдыръяськонлэн программаез:

9.00-11.00 – Куно пумитан.

9.00 – «Ярминкә» – сиён-юонъёсын, чеберлыко киужъёсын возьматон.

10.00 – Калык шулдыръяськонэз усьтон.

11.00 – «Көрәш».

11.00 – Концерт, Удмурт Элькунысь но Татарстанысь артистъёс.

11.00 – Концерт, ёросъёслэн но мерлыко огазеяськонъёслэн коллективъёссы.

11.00 – Площадка «Батырлар, алга!». Калык шудонъёс (юбо йылэ тубон, мешокен жугиськон, ведраосын бызьылон).

11.00 – «Күңелле балачак!» нылпиослы площадка.

14.30 – Вожвылъяськонъёслы йылпумъянъёс лэсьтон, вормисьёсты данъян.

17.00 – «Кичке уен» жыт шулдыръяськон.

Ватсаса ивортодэт басьтыны быгатиськоды таӵе телефонъя: 68-83-78 – Анна Вадимовна Габдуллина, Удмурт Элькунысь йöскалык политикая министерствоысь этнокультура азинтонъя ёзэтлэн кивалтӥсез.