27-тӥ пӧсьтолэзе Ижкарын «Русский дом» ӟуч лулчеберетъя центрын радъяськоз кык ужрад – Русьлэн чукиндырем нуналэзлы сӥзем праздник но «Эшъёс пӧлын» («В кругу друзей») проект радын Сарапул ёросэн тодматскон.

Удмурт Элькунмылэн котькудаз сямен ёросаз ужало Ӟуч лулчеберетъя центръёс. Туннэ нуналлы соослэн огъя лыдзы – 47. Валтӥсь ужпумзы – ӟуч лулчеберетэз утён, азинтон но вӧлмытон. Та Центръёслэсь ужзэс азинтон, соослэн ужъёсынызы калыкез тодматон, ӟуч калыклэсь лулчеберетсэ вӧлмытон муген Ӟуч лулчеберетъя мерлыко огазеяськон быдэс ар ӵоже быдэстэ «В кругу друзей» проектсэ. Озьы Ижкарын улӥсьёс ар ӵоже ёросъёсысь огазеяськонъёсын, коллективъёсын, азьветлӥсьёсын тодматскыны быгатозы.

Ужрад ортчоз «Русский дом» центрлэн азьпалаз ик. Татын радъяськоз йӧскалык дӥськутэз возьматон, кибашлыослэн ужъёсынызы возьматон. Лыктэм куноос быгатозы пыриськыны кускерттон пунонъя, шудон чеберманъя, мунё лэсьтонъя мастер-классъёсы. Ёрослэн исориез сярысь вералозы музей ужасьёс. Ёросысь коллективъёс возьматозы бадӟым концерт.

Ужрадэз ортчыто «Сарапул ёрос» муниципал кылдыэт но Њуч лулчеберетъя огазеяськон Удмурт Элькунысь йӧскалык политикая министерство но Калыкъёслэн эшъяськон юртсы юрттэмен.

Ватсаса ивортодэт басьтыны луэ таӵе телефонъёсъя: 63-10-36, 63-10-55.