Удмурт Элькунысь йӧскалык лыдӟетъюртын Владимир Викторович Орехов «Угроза» нимо книгаеныз тодматӥз. Отын террор но соин нюръяськон сярысь гожтэмын. Книгаез 500 экземпляр мында печатлазы.

Ачиз автор, Удмурт Элькунысь печатья но трос коммуникациосъя Агенствоен ӵош терроризмен ивортодэт удысын нюръяськонъя кенешлэн ёзчиез, генерал-майор но дано кунмурт луэ. Озьы бере, Владимир Викторович теракт сярысь кинлэн ке верамезъя гинэ уг тоды. 1981-тӥ аре СССР-ын нылпиосты киултонъя нырысетӥ теракт ортчиз, со вал асьме Сарапулын; соку Владимир Викторович геройлыко утьыны быгатӥз шимес учыре шедем пиналъёсты. Озьы Владимир Викторович, терроризмлы пумит ужамзэ тодаз вайыса, та книгазэ гожтоно кариськиз.

«Котьку но секыт терроризмен нюръяськонъя асдыръем ивортодэт шедьтыны. Дыр ортчемъя, солэн выль формаосыз пото. Соин ик та книга туала вакытлы ӵапак тупалоз», – вераз Удмурт Элькунысь терроризмен нюръяськонъя ӧрилен кивалтӥсез Олег Кузнецов.

Книгаез мужестволы сӥзем урокъёсын кутыны дэмлало.

Терроризмен нюръяськонъя йӧскалык комитетлэн вотэсбамысьтыз ивортодэтъя.