29-тӥ оштолэзе Ижкарын «Удмуртиысь бигеръёс: историзы, сям-йылолъёссы но туала улонзы» улосвылкуспо тодос конференци ортчиз. Огъя лыдӟемын вал ог 40 доклад, кудъёсаз ӝутэмын вал бигеръёслэн историысьтызы но туала улонысьтызы пöртэм юанъёс.

Валтӥсь ужпумъёсыз: Удмурт Элькунлэн азинтӥськон сюресаз бигер калыклэсь интызэ эскерон, Удмурт Элькунын улӥсь бигеръёслэсь историзэс, лулчеберетсэс эскерон.

Конференциез радъясьёс: Удмурт Элькунысь йӧскалык политикая министерство, История, кылъя но литературая удмурт институт, Дышетон удысысь ужасьёслэсь быгатонлыксэс будэтонъя Удмурт Элькунысь институт, Удмурт Элькунысь бигеръёслэн автономизы, Удмурт Элькунысь бигеръёслэн мерлыко центрзы, Калыкъёслэн эшъяськон юртсы.

Удмуртиысь сяна ужрадэ пыриськизы Татарстанысь но тодосчиос. Лариса Николаевна Буранова, Удмурт Элькунысь йöскалык политикая министрлэсь ужзэ быдэсъясь тодмостӥз: «Туж ӟеч таӵе ужрадэз ортчытон борды басьтӥськиз мерлыко огазеяськон шуыса. Та выллем конференциос кулэ луо асьме шаерамы улӥсь калыклэсь улонзэ, кулэлыкъёссэ возьматон понна, лулчеберетсэ утёнлы но азинтонлы сӥзем ужрадъёсты сэрттон-пертчон понна. Ужрадэз дысякузы мерлыко огазеяськонъёс кусып возьыны дышетскизы кун тöрлыкен, тодосчиосын, пöртэм ужъюртъёсын но огазеяськонъёсын. Озьы соос узырмытӥзы асьсэлэсь быгатонлыкъёссэс, эшлыко кусыпъёссэс».

Бигеръёслэн мерлыко центрзылэн президентэз Ф.Г. Мирзаянов пусйиз та ужрад егитъёс понна дасямын вал шуыса. Соос калык сям-йылолъёсты, историез медаз вунэтэ, азьланьтыны мед быгатозы шуыса.

Тодмостоно, конференцие туж трос егитъёс пыриськизы шуыса. Соос пöлын школыосын дышетскисьёс, студентъёс, ужась егитъёс. Кин кылзӥськиз, кин доклад лыдӟиз.

Конференцилы дасямын тезисъёсын бичет, Удмуртиын улӥсь бигеръёс сярысь фильм. Таӵе кузьымъёсын пусъемын вал котькуд доклад лыдӟись.