Вардавар – армян праздник, кудӥз Инмарлэн Воштӥськонэзлы сӥземын.

Армян апостол черк которын армян йӧскалык-лулчеберетъя огазеяськонъёс но вань мылкыд карисьёс люкаськизы ужрадэз ортчытыны. Вардавар пӧртэм калыкъёсты огазеяз, шуныт но яркыт праздник радъяз. Ог дышем сямен ужрадын – крезьгур улсын серекъянъёсын но эктонъёсын ву кисьтон.

Министерстволэн нимыныз люкаськемъёсты ӟечкылаз мониторингъя но йӧскалык кусыпъёсты эскеронъя ёзэтлэн кивалтӥсезлэн воштӥсез Гузель Башарова. Со пусйиз Вардавар трос йӧскалыккуспо шулдыръяськонлы пӧрмиз ни шуыса. Озьы ик армян диаспоралы тау кариз калыкъёсмылэн огкылысь, тупаса, эшъяськыса улоназы бадӟым тыршыса уж нуэмзылы.

Тросгес туспуктэмъёс vk.com/album-6721781_308103357