Алексей Артемьев, Ижкар Епархилэн священникез но ужрадлэн одӥгез радъясез вера: «Шумпотымон, трос выль пыриськисьёс шуыса. Кылсярысь, кылем арын теннисъя ӵошатсконэ 70 адями пыриськиз, нош туэ кык поллы тросгес!»

Зэм но, таяз аре 22 пӧртэм осконэн огазеяськонъёсысь 150-лы матэ заявка вуиз.

Ӵошатсконэ Йӧскалык политикая министерствоысь ужасьёс но пыриськизы. Эдуард Петровлэн верамезъя: «Спартакиада – со выль тодматсконъёс, вормонъёс но луонлыкъёс! Выльысь но выльысь валаськом таӵе ӵошатсконъёс адямиосты огазеяло, элькунын тупаса улонэз юнмато шуыса».

Спартакиадалэн йылпумъян этапез шашкиен шудон луоз, со 6-тӥ шуркынмонэ ортчоз.