УЭ-ысь Дышетонъя но тодосъёсъя министерство ивортэмъя Россиын анай кылъёсты дышетон ужпумъёсъя но калык лулчеберетэз утёнъя инъет площадкаосын федерал вотэс кылдытӥзы.

Ижкарысь Кузебай Герд нимо йӧскалык гимназия одӥгез сыӵе площадка луиз. Отын нылпиосты удмурт кыллы дышето но калык лулчеберетэн, сям-йылолъёсын тодмато.

Табере гимназия, мукет инъет площадкаос сямен ик, аслыз уженыз тодматылоз, дышетӥсьёслэсь квалификацизэс ӝутъялоз но мукет дышетонъя ужъюртъёслы юрттылоз.