Ижкарысь Дзержинский урамысь одӥгаз юртлэн борддораз граффити амалэн Ашальчи Окилэсь тусбуйзэ суредазы. Лэсьтӥсез – таланто суредась Дмитрий Костицын. Кылбурчи кык кылсуред пыр возьматэмын: хируг-фронтовик но ненег кышномурт. Ашальчи Оки кылбурчи сяна, син эмъясь врач но вал.

Суредъёслы эскизъёс дасяз Ижкарысь художник Денис Никонов. Солэн ужъёсыз калык онлайн-голосование пыр быръемын вал.

«Лица Удмуртии» ӵектос улсын Ижкарысь Буммаш микрорайонысь коркаослэн борддорысьтызы композитор Пётр Чайковскийлэсь, конструктор- оружейник Евгений Драгуновлэсь но пыӵал поттонъя заводэз кылдытӥсьлэсь Андрей Дерябинлэсь тусбуйёссэс но адӟыны луэ.