20-тӥ толсуре «Общество и власть – 2016» граждан форумлэн йылпумъян ужрадэз ортчиз.

Йылпумъян ужрадлэн пленарной заседанияз Удмурт Элькунлэн Тӧроез А.В. Соловьев, Россиысь но Удмуртиысь мерлык палатаослэн ёзчиоссы, тӧрлык ёзэсъёслэн кивалтӥсьёссы, мерлыко огазеяськонъёслэн ёзчиоссы пыриськизы. Пленарной люкетын ӝутэм ужпумъёс мургес эскериськизы секциосын:

• Удмурт Элькунысь мерлыко кенешъёслэн семинарзы;
• Физкультура, спорт но егитъёсын ужан политика удысын ортчытӥськись ужрадъёсын мерлыко огазеяськонъёслэн интызы;
• «Государственное регулирование деятельности НКО» семинар.

Котькуд секцилэн ужаз мыло-кыдо пыриськизы мерлыко огазеяськонъёслэн ёзчиоссы. Соослэн пусъемзыя, таӵе ужрад тӧрлык ёзэсъёсын огкыл шедьтыны, кенешыса ӵош ужаны юрттэ.

Йылпумъяськиз форум Удмурт Элькунысь кунмуртъёслэсь вазиськонзэс кутонэн. Ужкагазэ кун но интыысь тӧрлык ёзэсъёслы, предприятиослэн кивалтӥсьёссылы куронъёс-ӵектонъё пыртэмын.Та вазиськонлэн ӵектонэз вазенгес интыямын вал Удмурт Элькунысь мерлыко палаталэн вотэс бамаз. Соин ик котькуд кунмуртлэн вазиськонэн тодматскыны но аслэсьтыз ӵектонъёссэ вераны луонлыкез вал. Форумын кутэм Вазиськон озьы ик вотэс баме пуктэмын луоз.