28-тӥ инвожое Сарапул ёросысь Акшабариха шур дурын йӧскалык Сабантуй (0+) калык шулдыръяськон ортчоз. Со тулыс бусы ужъёсты быдтонэн герӟаськемын.

Ужрад калык кусыпъёсты юнматэ но азинтэ, Россиысь калыкъёслэсь лулчеберет узырлыксэз уте, ваньмыз та «Семья» йӧскалык ӵектослэн азьмугъёсызлы тупало. «Сабантуй» шулдыръяськонлэн валтӥсь тодметэз – йӧскалык пужыё кышет.

Ужрадэ вань УЭ-ысь каръёсысь но ёросъёсысь куноос вуылозы. Соос пӧлын – бигер но башкир мер огазеяськонъёсысь ёзчиос, дышетон но лулчеберет удысъёсысь адямиос, коллективъёс. Ваньзы соос йӧскалык дӥсьёсын парадэ потозы – озьы сӥё-дано шулдыръяськон усьтӥськоз.

Ужрадын куноос валэн ворттылон но «Көрәш» йӧскалык нюръяськон. Пиналъёс но бадӟымъёс понна трос йӧскалык шудонъёсын но вожвылъяськонъёсын площадкаос дасямын луозы: гираен спорт, армрестлинг, карнанэн бызьылон, юбое тубан, канатэз кыскан, ворсам синъёсын горшокъёсты шуккылон, пу вылын мешокъёсын нюръяськон, коньдонэз катыкысь утчан, мешокъёсын бызьылон но трос мукет. Егитъёслы сӥзем площадкаын возьмалозы мастер-классъёс, флешмобъёс, вожвылъяськонъёс но шудонъёс.

Куноосты шулдыртозы Удмуртиысь, Татарстанысь но Башкортостанысь коллективъёс. Со сяна дасямын луозы тунсыко вашкала улонъя адӟытонъёс.

«Сабантуй» шулдыръяськон йылпумъяськоз батырез, озьы ик спорт нюръяськонъёсысь но кылдытос ужъя вожвылъяськонъёсысь вормисьёсты данъетанэн.