Йӧскалык политика удысын ужась мерлыко огазеяськонъёслы грант утыны луонлыкъёс кылдӥзы.

Россия Федерациысь экономика ласянь азинтӥськонъя министерство коммерциен герӟаськымтэ огазеяськонъёслы, кудъёсыз мукет коммерциен герӟаськымтэ мерлыко огазеяськонъёслы ужзэс радъяны юртто (ивортодэт но кенеш сёто, ӵектосъёс радъяны дышето), вожвылъяськон ортчытэ. Вожвылъяськон сярысь пыр-поч ивортодэт учконо татысь: https://economy.gov.ru/minec/activity/sections/SocOrientNoncomOrg/2015042241).

Кыкетӥ арзэ ини Елена но Геннадий Тимченкоослэн юрттэт сётӥсь фондзы ӵектосъёсъя «Культурная мозаика малых городов и сёл» вожвылъяськон радъя. Быръем ӵектосъёс мерлыко ужрадъёс пыр каръёсты но гуртъёсты лулчеберет ласянь азинтыны кулэ. Вожвылъяськон сярысь пыр-поч ивортодэт учконо татысь: https://timchenkofoundation.org/upload/mosaic/2015-mosaic-info.pdf.

Россия Федерациысь мерлыко палата коммерциен герӟаськымтэ огазеяськонъёслы, кудъёсыз адямилэсь но кунмуртлэсь эрикрадзэ но эриксэ утён удысын ужало, грант сётонъя вожвылъяськон радъя. Грант утыны быгатэ котькыӵе мерлыко огазеяськон, «иностранные агенты» лыдметэ шедемъёсыз но. Вожвылъяськон сярысь пыр-поч ивортодэт учконо татысь: https://grants.oprf.ru/grants2015-1/