Ужрадын УЭ-ысь кун йӧскалык политика удысысь кысык ужпумъёсты эскеризы.

Йӧскалык политикая министр Эдуард Петров этносъёс куспын ортчем но ортчытъяськись ужрадъёс сярысь ивортӥз, озьы ик «Народы России» Россиякуспо форумлэн йылпумъянъёсыз сярысь вераз, отчы Удмуртиысь делегаци но пыриськиз.

Россия МВД-ысь «Паспортно-визовый сервис» Федерал кун унитар ужъюртлэн филиалысьтыз директорез Николай Коротояцкий туала улонысь миграци югдурен тодматӥз.
Алексей Пономарев, философи тодосъёсъя доктор, УрО РАН-лэн философи но право Институтысьтыз Удмурт филиаллэн директорез, «Оценка текущей международной ситуации с позиции мир-системного анализа» нимо лекция лыдӟиз.

Калыкъёслэн Эшъяськон юртсылэн директорез Юлия Шахтина вуоно арлы этнодырпус (этнокалендарь) кылдытонъя йӧскалык-лулчеберето огазеяськонъёслэсь ӵектонъёссэс люказ.