14-тӥ куарусёнэ Китай Калык Элькунлэн представительёсыныз ужан пумиськон ортчиз.

Йӧскалык политикая министрлэн воштӥсез Александр Филатов пумиськиз «Чжишан» ООО Цзинаньской дышетон корпорациысь калыккуспо ёзэтъя кивалтӥсеныз Цзяньцян Чжоен но со корпорациысь ик валтӥсь кылысь кылэ берыктӥсен Вэйвэй Чжанэн. Ужрадэ пыриськизы Ижкарысь М.Т. Калашников нимо технической кун университетысь академической калыккуспо центрезлэн кивалтӥсез Татьяна Савченко но М.Т. Калашников нимо технической кун университетысь калыккуспо дышетон программаослэн кивалтӥсьсы Алексей Рябчиков.

Куноослы Калыкъёслэн Эшъяськон юртазы экскурсия ортчытэмын вал, отын соос трос йӧскалыкъем Удмуртиен тодматскизы. Пумиськонын кенешизы дышетон но студентъёсын вошъяськон удысъёсысь россия-китай кусыпъёсты радъян но азинтон сярысь. Кыкналасянь таӵе малпанэ вуизы: валче ужанэз кема вакытлы азьланьтоно но вачекусыпъяськон удысъёсты паськытатоно.