27-тӥ пӧсьтолэзе Россиысь Йӧскалык ужпумъёсъя федерал агентстволэн Колллегиез люкаськылӥз.Коллегилэн ёзчиосыз эскеризы 2 юан: «Укрепление единства российской нации и этнокультурное развитие народов России» федерал программалы йылпумъянъёс лэсьтон но Уйпалан, Сибирын но Дальний Востокын улӥсь ичи лыдъем выжы калыкъёслэсь улон радзэс но эрикрадзэс утись эсэплыко-эрикрадъем (нормативно-правовой) базазэс умоятон. «Уйпалан, Сибирын но Дальний Востокын улись ичи лыдъем калыкъёслы юрттӥсь йӧскалык политикаез быдэстон бордысь потэ кунмылэн азинтӥськонэз, йӧскалык узырлыкез», – пусйиз аслаз вераназ федерал агентстволэн кивалтӥсезлэн воштӥсез Михаил Ипатов. Коллегилэн ужаз «Удмурт Элькунын 2014-2016-тӥ аръёсы «Укрепление единства российской нации и этнокультурное развитие народов России» федерал программаез быдэстон» докладэн пыриськиз Удмурт Элькунысь йӧскалык политикая министрлэсь ужзэ быдэсъясь Л.Н. Буранова.

Туннэ нуналлы Федрал агентствоен «О внесении изменений в Федеральный закон «О территориях традиционного природопользования коренных малочисленных народов Севера, Сибири и Дальнего Востока Российской Федерации» катлэн ӵектосэз дасямын. Ӵектосын выжы калыкъёслэсь улон интызэс федерал, улосвыл но муниципал люкетъёслы висъянлэсь палэнтӥськыны чакламын. Россия Федерациысь улосъёс музъемъёсъя решение асьсэос кутыны кулэ. Та уже одно ик пыриськозы ичи лыдъем калыкъёслэн огазеяськонъёссы но.