Туннэ Калыкъёслэн Эшъяськон юртазы егитъёслэн йӧскалыккуспо «Вместе» дышетон центрзылэн дышетскон сессиез усьтӥськиз. Центрлэн нырысетӥ сессияз Россия Федерацилэн 7 улосъёсысьтыз мерлыко огазеяськонъёслэн азьветлӥсьёссы лыктӥзы.

Форумез усьтыны но егитъёсты ӟечкыланы лыктӥзы Удмурт Элькун Тӧролэн но Кивалтэтлэн Администрацизылэн кивалтӥсез Андрей Иванович Гальцин, Удмурт Элькунысь йӧскалык политикая министр Лариса Николаевна Буранова, Калыкъёслэн Эшъяськон юртсылэн кивалтӥсез Татьяна Павловна Боталова.

Туннэ егитъёс «Механизм формирования общероссийской гражданской идентичности» темая нимаз группаосын ужазы. Группаослы ӵектосъёс бордын ужаны юрттӥзы модераторъёс – Владимир Никишин, “Всероссийский межнациональный союз молодёжи” мерлыко огазеяськонлэн кивалтӥсезлэн воштӥсез, Арсен Кайгермазов, «Молодёжная ассамблея единый Кавказ мерлыко огазеяськонлэн ивортодэтъя кивалтӥсез. Нош ӝытазе егитъёс ог-огеныз тодматскозы но визьзэс «ЭТНОэксперт» шудонын сыналозы.

Ӵуказе егитъёс йӧскалык лулчеберетлы сӥзем ӵектосъёс бордын ужалозы, пӧртэм пумо мастер-классъёсы пыриськозы.