20-21-тӥ шуркынмонэ Калыкъёслэн Эшъяськон юртазы йӧскалык дышетонэз азинтонлы сӥзем котырес ӝӧкъёс радъяськозы.

Россия Федерацилэсь йӧскалык политикая Стратегизэ быдэстон улсын 7-тӥ толсуре Калыкъёслэн Эшъяськон юртазы Удмурт Элькунысь йӧскалык политикая министрестволэн «Удмурт Элькунын Россия Федерацилэсь кун йӧскалык политикая Стратегизэ этнокультурной дышетонэз азинтон пыр быдэстон» темая паськытатэм коллегиез радъяськоз.

Коллегилы дасяськон улсын Калыкъёслэн Эшъяськон юртазы 20-21-тӥ шуркынмонэ «Этнокультурной но йӧскалык дышетонэз азинтонлэн луонлыкъёсыз (Перспективы развития этнокультурного и национального образования)» темая котырес ӝӧкъёс ужалозы.

20-тӥ шуркынмонэ 13.00 часэ «Этнокультурной но йӧскалык дышетонэз азинтонлэн луонлыкъёсыз» (удмурт кыл) котырес ӝӧк радъяськоз.

16.00 часэ ужаны кутскоз «Этнокультурной но йӧскалык дышетонэз азинтонлэн луонлыкъёсыз» (ӟуч кыл) котырес ӝӧк.

21-тӥ шуркынмонэ 09.00 часэ «Этнокультурной но йӧскалык дышетонэз азинтонлэн луонлыкъёсыз» (бигер кыл) темая котырес ӝӧк сьӧры люкаськозы.

11.00 часэ ужзэ мытоз «Этнокультурной но йӧскалык дышетонэз азинтонлэн луонлыкъёсыз» (пор кыл) котырес ӝӧк.

Дышетон ужпумъёсты сэрттон-пертчонэ пыриськозы Йӧскалык политикая, Дышетонъя но тодосъя министерствоосысь, Ижкар Администрациысь дышетонъя кивалтонниысь, Дышетон удысысь йӧскалык ужпумъёсты дышетон-эскерон институтысь, Дышетонэз азинтонъя институтысь ӧнерчиос, озьы ик Удмурт Элькунысь Кун кенешысь депутатъёс, газетчиос, мерлыко огазеяськонъёслэн азьветлӥсьёссы.