Туннэ Калыкъёслэн Эшъяськон юртазы радъямын вал «Йолдызлар яңгыры» («Кизилиё зор») Бигер чеберлыко устолыкъя улосвылкуспо нылпи фестиваль-вожвылъяськонлэн  гала-концертэз!

Пиналъёс учкисьёслэсь мылкыдзэс ӝутӥзы, кырӟанъёс но эктонъёс пыр быгатонлыкъёссэс возьматӥзы.

Вожвылъяськонлэсь вормисьёссэ но вань мыло-кыдо пыриськисьёссэ йӧскалык политикая министрлэн воштӥсез Людмила Соковикова ӟечкылаз. Вераськоназ со пусйиз патриотизм мылкыд пыӵатыса будэтонлэсь кулэлыксэ: «Фестивальлэн валтӥсь ужпумез – со тужгес но быгатӥсь, визьмо нылпиосты шараян но бигер лулчеберетлэсь узырлыксэ возьматон бордын гинэ ӧвӧл, со, нырысь ик, нылпиослы ас шаерзэс но трос йӧскалыккуспо музъемзэс яратон мылкыд пыӵатон. Ваньмыз та Россиын юнмам дунъетъёсты утёнэн но юнматонэн герӟаськемын.»

Министрлэн воштӥсез озьы ик тау кариз йӧскалык-лулчеберетъя огазеяськонъёслы пиналъёсты будэтонын, соосты лулчеберет но сям-йылолъёсты дышетонын но патриотизм мылкыд пыӵатонын бадӟым уж нуэмзы понна.