10-тӥ инвожое Удмурт Элькунысь йöскалык политикая министерство Журналистъёслэн йӧскалыккуспо гильдизы но Удмуртиысь журналистъёслэн союззы журналистъёслы«Информационное сопровождение реализации государственной национальной политики и проблемы межэтнической тематики в российских СМИ» нимо семинар ортчытозы. Журналистъёсын нимысьтыз таӵе люкаськон пыртэмын«ДРУЖБА НАРОДОВ – ЕДИНСТВО РОССИИ: формирование общероссийской идентичности и укрепление духовной общности россиян» семинарлэн программаяз.

Семинарез нуоз ЛЯНГЕ Маргарита Арвитовна, Журналистъёслэн йöскалыккуспо гильдизылэн президентэз, Россиысь калыкъёслэн ассамблеязылэн тöроезлэн воштӥсез.

Удмуртиысь журналистъёс азьын вераськозы Смирнова Светлана Константиновна, Россиысь калыкъёслэн ассамблеязылэн тӧроез, политика тодосъёсъя доктор, Малькова Вера Константиновна, история тодосъёсъя доктор, Этнология но антропология институтысь Этнополитика эскеронъёсъя центрысь валтӥсь тодос ужчилэсь ужзэ быдэсъясь, Буранова Лариса Николаевна, Удмурт Элькунысь йӧскалык политикая министрлэсь ужзэ быдэсъясь.

Семинар ортчоз Калыкъёслэн эшъяськон юртазы. Кутсконэз 10.00 часын

Семинаре öтисько Удмуртиысь ивор вӧлмытон валтосъёсысь ӧнерчиос – редакторъёс, журналистъёс, туспуктӥсьёс, блогеръёс, пресс-секретарьёс но вань мылкыд карисьёс.

Ужрадэ пыриськыны мылкыд каремды сярысь ивор сётоно Йӧскалык политикая министерсвоысь öнерчилы Л.В. Мушеговалы. Журналистъёслэн луонлыксы луоз асьсэлэсь юанъёссэс сётыны, ужъёссэс возьматыны М.А. Лянгелы. Семинарлэн кыкетӥ люкетаз нимысьтыз дыр висъямын луоз соос бордын ужанлы.

Ватсаса ивородэт басьтыны быгатоды таӵе телефонъёсъя: 78-17-10 – Прокошева Людмила Михайловна, Удмуртиысь журналистъёслэн союззылэн кивалтӥсез; 68-69-66, 8 922 507 9080 – Мушегова Людмила Владимировна, Удмурт Элькунысь йӧскалык политикая министерствоысь ӧнерчи.