9-16-тӥ оштолэзе Удмурт Элькунысь йöскалык политикая министерство ортчытӥз трос пöртэм ужрадъёс. Куд-огез сярысь вераломы.

10-тӥ оштолэзе ӟуч лулчеберетъя Удмурт Элькунысь огазеяськонлэн быръёнъя но йылпумъянъёс лэсьтонъя кенешсы ортчиз.

12-тӥ оштолэзе Грак черкогуртын Удмуртиын улӥсь поръёслэн «Одо Мари Ушем» огазеяськонзылэн пленумзы радъяськиз. Нош Глазкарын та нуналэ ик йылпумъянъёс лэсьтон вылысь бесерман огазеяськонлэн ёзчиосыз люкаськизы. Вань та ужрадъёсын ортчем аръёсы ужамлы йылпумъянъёс лэсьтӥзы, азьпалан ужаны план кутӥзы.

10-тӥ оштолэзе аслэсьтыз одӥг ар ужамзэ пусйиз крезь лэсьтонъя мастерской. Та нуналъёсы Россиысь тодосъёсъя академи та местерской но удмурт крезь сярысь фильм лэсьтэ.

11-тӥ оштолэзе Удмурт кун университетысь тодосъя лыдӟетъюртэн ӵош радъямын вал азербайджан но удмурт лулчеберетъёслы сӥзем ӝыт.

13-тӥ оштолэзе Киров карын удмурт лулчеберетлы сӥзем нунал ортчиз. Элькунысьтымы делегаци пыриськиз та ужрадэ.

Озьы ик та нуналъёсы ортчизы семинаръёс но конференциос.

9-тӥ оштолэзе Кизнер черкогуртын ёросысь мерлыко огазеяськонъёслэн ёзчиоссы понна радъямын вал семинар, кудаз дышетӥзы грантъёсы проектъёс гожъяны.

16-тӥ оштолэзе студентъёслэн «Толерантность. Культура. Общество» элькун конференцизы ортчиз. Татчы 15 дышетон ужъюртъёсысь 48 студентъёс, öнерчиос пыриськизы. Эскеризы элькунамы улӥсь калыкъёслэсь лулчеберетсэс утён но азинтон вылысь лэсьтоно ужъёсты, калыкъёслэсь кусыпъёссэс юнматон вылысь ортчытоно ужрадъёсты.

Та арняе «Культурная мозаика малых городов и сёл» нимо проектъёсъя вожвылъяськонэ заявкаосты келян дыр йылпумъяськиз. Министерстволэн юрттэменыз сэрен вожвылъяськонэ келямын 15 ӵектонъёс.

Озыен, арня туж узыр но пайдалыко вал.