18-19-тӥ пӧсьтолэзе Быги гуртын ортчиз финн-угор сиён-юонъёсъя нырысетӥ калыккуспо фестиваль. Татчы люкаськиз 700-лэсь ятыр адями.

Фестивале лыктэм куноос нырысь ик финн-угор дуннелэн лулчеберетъя шоркареныз, Быги гуртэн, тодматскизы, вуылӥзы 7 ошмесъёсы, котькудӥзлэн соослэн бурмытӥсь но кужым сётӥсь кужымзы вань.

Фестивальлэн нырысетӥ нуналаз сиён пӧранъя вожвылъяськон радъяськиз. 7 команда пӧлысь эстонъёслэнэз командазы вормиз. Лыктэм куноослэн мастер-классъёсы пыриськыны луонлыксы вал. Одӥгзэ мастер-классэз «Шаркан ёрос» муниципал кылдытэт тӧролэн нырысетӥ вошисез нуиз. Нош ӝыт вань люкаськемъёс позыръяськонын эктӥзы. Шулдыртӥзы калыкез Электроник диджейёс, Надежда Уткина, Алена Тимерханова, Иван Котельников, Богдан Анфиногенов.

Фестивалез усьтыны Быгие вуизы «Быгинское» муниципал кылдытэлэн тӧроез Н.Г. Беляева, «Шаркан ёрос» муниципал кылдытэлэн тӧроез А.А. Прохоров, Удмурт Элькунысь йӧскалык политикая министрлэсь ужзэ быдэсъясь Л.Н. Буранова, Удмурт Элькунысь физической культурая, спортъя но туризмъя министрлэсь ужзэ быдэсъясь И.В. Краснов.

Кыкетӥ нуналэ делегациос дасязы асьсэ калыксылэсь йӧскалык сиёнзэ. Куноослэн луонлыксы вал пӧрам сиёнъёсты басьтыны но веръяны. Басьяськиз нимысьтыз фестивале кылдытэм «быг» коньдонэн

Фестиваль радын ик «Финно-угорская кухня и туризм» лекци но радъямын вал. Нуизы сое Айвар но Людмила Руукель (Эстония).

Фестивальысь туспуктэмъёсты учкыны луэ татысь : https://bygy.info/pervyiy-fotootchet-s-festivalya-byig-byig/