21-27-тӥ посьтолэзе егитъёслэн «Территория смыслов на Клязьме» форумазы «Йӧскалык кусыпъёс удысын егит ӧнерчиос» смена ортчоз. Сменаез радъяны юрттэ Йӧскалык ужпумъёсъя федерал агентство.

Форуме пыриськисьёслы дасямын тунсыко программа: дано адмиосын пумиськонъёс, котырес ӝӧкъёс, лекциос, мастер-классъёс. Котьку сямен ужалоз «Ӵектосъёсын конвейер». Татын егитъёс асьсэлэн ӵектосъёсынызы тодматозы. Бӧрысь куара сётон амалэн быръёзы тужгес но ӟечъёссэ. Соосты улонэ пыӵатыны коньдон висъяськоз.

Смена чакламын 22-30 аресъем йӧскалык мерлыко огазеяськонъёслэн ёзчиосызлы, йӧскалык кусыпъёс удысын ужась иворчиослы, кун служащийёслы, анай кылэз дышетӥсьёслы, Калыкъёслэн Эшъяськон юртъёсысьтызы ӧнерчиослы.

Заявка сётыны луэ вотэсбамын: территориясмыслов.рф.