27-тӥ инвожое Воткакарлэн пляжаз Сабантуй (0+) калык шулдыръяськон ортчоз, кудӥз тулыс бусы ужъёсын герӟаськемын. Шулдыръяськон 2026-тӥ арлэн, кудзэ Владимир Путин Россиысь калыкъёслэн огъя луэмзылэн ареныз юнматӥз, яркыт ужрадэз луоз.

Та праздник калык кусыпъёсты герӟа но юнматэ, Россиысь калыкъёслэсь лулчеберет узырлыксэс, со «Семья» йӧскалык ӵектослэн азьмугъёсызлы тупа.

Сӥё-дано усьтонэз Россиысь калыкъёслэн огъя луэмзылэн арезлы, озьы ик Воткакарысь бигер мерлыклэн валтӥсь истори люкетъёсызлы но вормонъёсызлы сӥземын луоз.

Ужрадэ пыриськыны ӧтисько элькунысьтымы, бускель Татарстан но Башкортостан элькунъёсысь делегациос. Соос пӧлын – бигер но башкир мерлыко огазеяськонъёсысь азьветлӥсьёс, дышетон но лулчеберет удысысь огмуртъёс, творческой дэменлыкъёс, йӧскалык-лулчеберетъя огазеяськонъёслэн огмуртъёссы, нимысьтыз ожгар ужрадэ пыриськисьёс. Ваньзы соос йӧскалык дӥсьёсынызы парадэ потозы, озьыен ужрадлэн сӥё-дано усьтонэз радъямын луоз.

Куноосты шулдыр тунсыко программа вите: «Көрэш» йӧскалык нюръяськон, «Матур кием» йӧскалык дӥсь вожвылъяськон, «Цветы дружбы» калыкъёслэн огъя луэмзылы сӥзем акция, мастер-классъёс, спорт шудонъёс но нюръяськонъёс. Егитъёслэн площадкаязы мастер-классъёс, флешмобъёс, вожвылъяськонъёс но шудонъёс радъямын луозы.

Шулдыртозы Удмуртиысь, Татарстанысь но Башкортостанысь  кырӟасьёс.

«Сабантуй» шулдыръяськон йылпумъяськоз батырез, озьы ик спорт нюръяськонъёсысь но кылдытос ужъя вожвылъяськонъёсысь вормисьёсты данъетанэн.