14-тӥ оштолэзе Киров карын «Йӧскалык политика удысын выль луонлыкъёс» («Новые возможности сотрудничества в сфере государственной национальной политики») нимо котырес ӝӧк ортчоз.Таӵе пумиськон радъяло Удмурт Элькунысь йӧскалык политикая министерство но Киров улосысь кунпуш но ивортодэт политикая министерство.

Котырес ӝӧкын кенешозы вучеужан кусыпъёсты юнматон сярысь, кылсярысь, Киров улосын улӥсь удмуртъёслы кылзэс но лулчеберетсэс утьыны юрттон сярысь.

Ужрадэ пыриськозы Удмурт Элькунысь йӧоскалык политикая министр Л.Н. Буранова, Калыкъёслэн Эшъяськон юртсылэн кивалтӥсез Т.П. Боталова, Вань удмуртъёслэн «Удмурт кенеш» ассоциацизылэн президентэз Т.В. Ишматова.

Ужрадэ пыриськисьёс понна чакламын Светозарево черкогуртысь Удмурт лулчеберт центре ветлон.

Ватсаса ивортодэт таӵе телефонъя: (3412) 68-78-39 – В.В. Васева, Удмурт Элькунысь йӧскалык политикая министерствоысь план лэсьтонъя но этнокультураез азинтонъя ёзэтлэн кивалтӥсез.