«Удмуртия – вместе!» интывыл огинъёслэн форумзы – площадка, кудӥз тӧрлыкез, мерлыкез но ужбергатонэз герӟаз. Оштолэзе ньыль сыӵе форумъёс ортчизы, оглом быдэс Удмуртиысь 500-лэсь трос адями пыриськиз.

Ортчем форумъёсты радъязы Калыкъёслэн Эшъяськон юртлэн луонлыкъёсъя центръёсыз но Удмуртилэн Мерлык палатаез УЭ-ысь йӧскалык политика министерстволэн но Йӧскалык ужъёсъя федерал агентстволэн юрттэменызы.

Йылпумъян: 3 арня куспын форум элькунлэн 4 каръёсаз но вань 30 муниципал кылдытэтъёсты герӟаз.

Форум возьматӥз, ёросъёсысь но каръёсысь улӥсьёс, НКО-осысь азьветлӥсьёс, пӧртэм ёзэсъёсысь тӧрлык ог-огенызы ужаса бадӟым пайдалыко уж кылдытыны быгатозы, ужпумъёсты лякытэн сэрттозы-пертчозы.

Пыриськисьёс пусйизы, зоная люкиськем форумъёс луонлык сётӥзы тодматскыны но огазеяны эшшо но тросгес мыло-кыдо азьветлӥсьёсты, улӥсьёсты выль ӵектосъёсты малпаны но улонэ вӧлмытыны.

Котькуд форумлэн йылпумъяназ пыриськисьёс пусйизы – таӵе амалэн ужрадъёсты арлы быдэ ортчытъяны кулэ. Со амал юрттэ коммерциен герӟаськымтэ огазеяськонъёслы ӵектосъёсты дасяны, выль технологиосты уже кутыны дышетскыны, нош собере улонэ вӧлмытыны.