24-тӥ инвожое бигеръёслэн но башкиръёслэн Сабантуй (0+) калык шулдыръяськонзы ортчоз, кудӥз тулыс бусы ужъёсын герӟаськемын. Нунал ӵоже пӧртэм площадкаос ужалозы. Соос та калыкъёслэсь лулчеберетсэс но сям-йылолъёссэс ӟечгес тодыны юрттозы.

Шулдыръяськонлэн валтӥсь ужрадэз – валэн ворттылон, кудӥз 10:00 часын ӵукна кутскоз. Борӟемчиос асьсэлэсь но Вятской, Арабской но Чистокровной валъёслэсь быгатонлыкъёссэс возьматозы. Ӵошатсконэ пыриськисьёс выро-гопо сюрес пыр ортчыны кулэ.

11:00 часын праздниклэн сиё-дано усьтонэз кутскоз. Та шулдыръяськон озьы ик тодмо луэ «Көрәш» йӧскалык нюръяськонэн. Котькуд арлыд категориын вормисьёсты быръёзы. Тодэ вайытоно, ӵушконъёсын нюръяськон тюрк калыклэсь потэмын шуыса.

Со сяна, лыктэм куноослы «Татар чае» чайлэн праздникез, «Милләтем бизәге – калфагым» йыре пононъёсын адӟытон, сям-йылол шудонъёс радъямын луозы. Элькунысь Тӧролэн Александр Бречаловлэн кичӧлтэмезъя, таиз ар егитъёслэн арзы шуыса пусйиське. Соин ик бадӟым саклык висъямын егитъёслы сӥзем площадкаослы но. Концертэ Удмурт Элькунысь но Татарстанысь коллективъёс пыриськозы.

Ужрадэз радъясьёс: Удмуртиысь йӧскалык политикая министерство, Калыкъёслэн эшъяськон юртсы, татар но башкир мерлык огазеяськонъёс.