4-тӥ шуркынмонэ ужзэ мытӥз”Сохраняем культурное наследие Великой Страны” вожвылъяськон -учкон.

Ужрадэз орчытэ “Молодёжные инициативы” коммерциен герӟаськымтэ огазеяськон “Росшкола: все для образовательных организаций” ӵектослэн юрттэмез улсын.

Вожвылъяськонлэн валтӥсь меретъёсыз – Россиын улӥсь калыкъёслэсь лулчеберетсэс но сям-йылолъёссэс утён но вӧлмытон, пиналъёслэсь но егитъёслэсь калык лулчеберетэз дышетыны мылкыдзэс пуромытон.

Вожвылъяськонэ пыриськыны быгато авторъёс, нылпи садъёсысь, школаосысь, лулчеберет юртъёсысь но мукет ужъюртъёсысь калык, йӧскалык коллективъёс. Вожвылъяськонэ пыриськисен лыдъясько коллективлэн кивалтӥсьёссы но, кураторъёссы но.

Ужрадэ пыриськон понна калык эктонэн, кырӟанэн яке кылбурен видеоадӟытон келяно. Ужъёсты дунъялозы учкисьёс. Тужгес но устоосыз пусъемын луозы дипломъёсын но кузьымъёсын

Завкаосты 2017-тӥ арлэн 10-тӥ оштолэзёзяз оргкомитетлэн электрон адресаз яке «Сохраняем культурное наследие великой страны» вотэсбаме келяно.