Толэзь куспын ортчытыны малпамын трос тунсыко ужрадъёс. Нылпи садъёсын, школаосын но удысужлы дышетон ужъюртъёсын «Удмурт лулчеберетлы сӥзем час» нимо пумиськонъёс ортчозы.

29-тӥ коньывуонэ Шор Прикамьелэн историезъя но лулчеберетэзъя музейын удысужлы дышетон ужъюртъёсысь студентъёслы «Исторические вехи. Сарапул – колыбель автономии удмуртского народа» нимо экскурси радъямын вал.

8-тӥ шуркынмонэ удмурт движенилэн 30 ар тырмонэзлы но «Вуюись» ансамбльлы 25 ар тырмонэзлы сӥзьыса вонцерт радъямын вал. Шулдыръяськон сяна куноос пӧртэм мастер-классъёсы пыриськизы, кибашлыослэн ужъёсыны тодматскизы, удмурт калык сиёнэз веръязы, удмурт калык шудонъёсын шудӥзы.

Йылпумъяськоз удмурт калык лулчеберетлы сӥзем толэзь 18-тӥ шуркынмонэ «Шудон ӝыт» пумиськонэн. Татчы Сарапулысь егитъёслэн мерлыко огазеяськонъёссы пыриськозы.