31-тӥ коньывуонэ 15.00 часэ , Удмуртилэн кунлык басьтэмезлы сӥзьыса, Калыкъёслэн Эшъяськон юртазы чеберлыко туспуктэмъя но мультимедийной адӟытонъёсъя «Калыкелэн историез» вожвылъяськон ортчоз.

Ужрадэ пыриськозы 10-18 аресъем туспуктыны яратӥсьёс, фотокружокъёсы ветлӥсь пиналъёс, ватсаса тодон-валан сётон ужъюртъёсысь дышетскисьёс.

Вожвылъяськонэ дышетон ужъюртын радъяськись ужрадъёс, семья сям-йылолъёс, калык шулдыръяськонъёс сярысь, туспуктэмъёс но мультимедийной презентациос кутӥсько.

Тужгес но устоосыз ужъёс пусъемын луозы дипломъёсын но кузьымъёсын. Вормисьёслэн ужзы Ижкар Администрациысь дышетонъя кивалтоннилэн бичетаз печатланы ӵектэмын луоз. Со сяна соосты адӟыны луоз «ЦЭВД» МКВУ-лэн, Ижкар Администрациысь дышетонъя кивалтоннилэн, Калыкъёслэн Эшъяськон юртсылэн вотэсбамысьтызы.

Вожвылъяськон улсын «Ӟеч уж огазея» визьбур шудон радъяськоз.

Ватсаса ивортодэт басьтыны луоз таӵе телефонъёсъя: 8(3412) 44-14-55 – кивалтӥсьлэн тодосъя но матодикая воштӥсез – Тронина Надежда Витальевна.

Вожвылъяськонлэн Валатэтэз. История моего народа