2015-тӥ арын Приволжской федерал округын «Калыкъёс трос – шаермы одӥг! Этно чеберма!» Мерлыко рекламая улосвылкуспо вожвылъяськон радъямын луоз. Ужрад ортче «Россиын улӥсь калыкъёслэсь кусыпъёссэс юнматон но лулчеберетсэс азинтон (2014-2020-тӥ аръёс)» нимысьтыз ужась федерал кун программаез быдэстон улсын. Вожвылъяськонэз радъяло Удмурт Элькунысь йӧскалык политикая министерство но «Еврей лулчеберетъя Удмурт Элькунысь мерлыко центр» мерлыко огазеяськон. Ужрадлэн валтӥсь меретъёсыз: калыкъёслэсь ог огенызы эшъяськыса но тупаса улонзэс егитъёс пӧлы вӧлмытон, йӧскалык кусыпъёсты юнматон.

Ӵектосъёсты таӵе оръя люкозы: «Мерлыко реклама: видеоролик» но «Мерлыко реклама: суред (плакат)».

Заявка сётыны луэ 21-тӥ гудырикошконысен 30-тӥ коньывуонозь. Ужъёслы куронъёсын тодматскыны луоз Вожвылъяськон сярысь ВАЛАТЭТысь.

Ватсаса ивортодэт басьтыны луэ таӵе телефонъя: (3412) 68-77-98 -министерствоысь план лэсьтонъя но этнокультура азинтонъя ёзэт.