Дыртэлэ пыриськыны «Калыкъёс трос – шаермы одӥг. Этно чебермытэ!» вожвылъяськонэ. Ужрадэ пыриськон понна заявка сётыны луон дырез кыскимы 30-тӥ шуркынмонозь. Эн ыштэлэ луонлыктэс басьтыны тужгес но бадӟым премиез (80 сюрс манет!)!

Конкурсэ пыриськыны быгато Приволжской федерал округысь творческой коллективъёс но ас понназы гожъясь авторъёс. Котькудӥз ыстыны быгатэ кык ужзэ: «Социальная реклама: видеоролик» но «Социальная реклама: постер (плакат)» номинациосы.

Вожвылъяськонлэн валтӥсь меретэз – калыкъёслэсь ог огенызы эшъяськыса но тупаса улонзэс егитъёс пӧлы вӧлмытон, соин ик видеороликъёс егит аудиторилы тунсыко мед луозы.

Ужъёс 2015-тӥ арын 1-тӥ пӧсьтолэзьлэсь вазьгес лэсьтэмын медаз луэ. Котькудаз ӧрын эскерисьёс быръёзы вить вормисез. Тужгес но умой ужъёс пусъемын луозы коньдонэн.

Заявка лэзьыны луэ 30-тӥ шуркынмонозь таӵе адресъя: Удмурт Элькунысь йӧскалык политикая министерство: 426063, Ижкар, Орджоникидзе урам, 33а (пусъёно: «Межрегиональный окружной конкурс социальной рекламы «Народов много, страна одна! Этно украшает!»).

Конкурсъя положение луэ шедьтыны в ВКонтакте группаысь www.vk.com/etno_ukrashaet но www.minnac.ru вотэсбамысь.

Фото: https://открываяудмуртию.рф

Мерлыко реклама кылдытонъя «Калыкъёс трос – шаермы одӥг. Этно чебермытэ!» вожвылъяськонлэн видеороликез: https://vk.com/dom.druzhby?w=wall-6721781_3827%2Fall