Калыкъёслэн эшъяськон юртазы «Интернациональная семья Ижевск-2022» нимо вожвылъяськон ортчиз. Отчы люкаськемъёс семьялы сӥзем нимысьтыз сэрег дасязы, калыксылэн сиён-юонъёсынызы тодматӥзы.

Николай Ямаковлы, интернациональной семьяослы юрттэмез понна, тау кылъёсын вазиськиз Татьяна Николаева, УЭ-ысь Йӧскалык политикая министерствоысь ужась: «Шумпотымон, туннэ Калыкъёслэн эшъяськон юртазы сомында семья люкаськиз шуыса. Адӟытонды туж тунсыко пӧрмиз. Озьы ик тау шуэме потэ Николай Ивановичлы таӵе ӵошатскон радъямез понна. Оскисько, туннэ та сцена вылын ваньзы асьсэлэсь быгатонлыксэс возьматыны быгатозы но шумпотон гинэ ваёзы шуыса».

Учкыны лыктэмъёс но, ас командазылы дурбасьтыса, сцена вылын кырӟанъёссэс но творческой номеръёссэс возьматӥзы. Ужрад бадӟым йӧскалыкъем праздниклы пӧрмиз!

Вожвылъяськонлы таӵе йылпумъянъёс лэсьтэмын вал:

«Гармония сердец» номинациын пусъемын Костенковъёслэн семьязы (Дэри чгт.);

«Родительское счастье» – Шишлинъёслэн семьязы (Ижкар);

«Все грани творчества» – Мастеровъёслэн семьязы (Ижкар);

«Доброе сердце» – Несмеловъёслэн семьязы (Ижкар);

«Многонациональная семья» – Михайловъёслэн семьязы (Алнаш ёросысь Гондыргуртысь);

«Моя семья – мое богатство» вожвылъяськонлэн вормисез луиз Япаровъёслэн семьязы, озьы ик Алнаш ёросысь Гондыргуртысь.

Ужрадлэн пумаз йӧскалык сиён-юонъёсты шӧмъян-веръян (дегустация), пор «гозыос» но йӧскалык эктонъёс ортчизы.