16-тӥ тулыспалэ Калыкъёслэн Эшъяськон юртазы нылпиослы но егитъёслы йырвизь сынанъя «Кызьы визьмо йыр Ӟырда» (12+) шудон радъямын вал. Ужрад «Улэп кыл» («Живое слово») программа улсын ортчиз но Анай кыллэн калыккуспо нуналэзлы сӥземын вал. Ужрад туж тунсыко ортчиз.

Шудонлэн валтӥсь азьмугез – кун кылъёсты утён но соослы юрттэт сётон, озьы ик Удмуртиысь калыкъёслэн кылъёссылы тунсыкез ӝутон пиналъёс пӧлын. Шудон ӝӧкъёс сьӧры 46-тӥ номеро школаысь но «Сириус» пиналъёслэн клубысьтызы дышетскисьёс люкаськизы. Та ужпумъёс «Семья» йӧскалык ӵектослэн азьмугъёсызлы тупало.

Шудон ӟуч кылын 6 люкетлэсь вал, кудаз пиналъёс удмурт калыклэн историеныз, лулчеберетэныз, сям-йылолъёсыныз но удмурт кыллэн тунсыко фактъёсыныз тодматскизы.

Ужрадэз УЭ-ысь Йӧскалык политикая министерство но Калыкъёслэн Эшъяськон юртсы ортчытӥзы.