Толон Калыкъёслэн Эшъяськон юртазы «Пурим» тулыс шулдыръяськон радъямын вал – со праздник, выжыеныз кошке V дауре асьме вакытлэсь азьло но Персия империысь еврейёсты утёнлы сӥземын. Огдышем сямен ужрадэз Удмуртиысь Еврей лулчеберетъя мерлык центр радъя.

«Хаверим» театръя студия «Про Мордехая-хитреца, удалого молодца» спектакль пуктӥзы – Леонид Филатовлэн выжыкылэз инъет луиз. Ужрадын куноос пӧртэм дӥсьёсын вал. Нош воскресной школаысь дышетскисьёс «Царица Вашти и Пижамные Штаны» книгая нимысьтыз серемес адӟытон – пуримшпиль – возьматӥзы.

«Халом» воскресной школаысь дышетскисьёсты дипломъёсын пусйизы, соос «Эрудаика» нимо иудаикаен XIX Олимпиадаын нырысетӥ инты басьтӥзы.