22-тӥ южтолэзе Калыкъёслэн Эшъяськон юртазы «Удмуртия – асьме дормы!» («Удмуртия – наш общий дом!») (0+) трос йӧскалык луись Семья нунал ортчиз. Та ужрад «Можем-поможем» мигрантъёслэн семьяоссылы сӥзем ӵектос но «Билингва» кылъя центр улсын радъямын.

Люкаськемъёсты «Удмурт Кенеш» огазеяськонлэн Тӧроез Андрей Ураськин, йӧскалык политикая министрлэн воштӥсез Людмила Соковикова но Калыкъёслэн Эшъяськон юртсылэн кивалтӥсез Юлия Шахтина ӟечкылазы.

Парадэ «Можем-поможем. Семейный центр социокультурной адаптации мигрантов» ӵектослэн, «Билингва» кылъя центрлэн огмуртъёсыз но нимысьтыз ожгар операцие пыриськисьёслэн матысьёссы пыриськизы. Озьы ик программаын – пӧртэм мастер-классъёс, кылсярвсь, «Монисто» лэсьтонъя, ӟуч шудонъёсъя но эктонъёсъя, басмаен ужанъя, озьы ик анай-атайёс понна лекциос, нылпиос понна шудонъёс но этномаркет. Со сяна, «Удмуртия – мынам выль доре» («Удмуртия – мой новый дом») семья азбукаез адӟытон луоз.

Таукаронъёсын пусъемын тужгес но мыло-кыдо семьяос, кудъёсыз пыриськизы «Билингва» кылъя центре но и «Можем-Поможем – центр социокультурной адаптации семей мигрантов» ӵектосэ. Праздниклэн куноосыз веразы, туж но туж кулэ семья дунлыкъёсты утьыны но вӧлмытыны учкытэк, кыӵе тон калыкысь луиськод шуыса. Ваньзы соос эшлыко но шулдыр мылкыд кылдытӥзы, озьы ик пусйизы, семья – вань огазеяськонъёслэн мерлыкъёслэн инъетсы шуыса.

Элькунысьтымы улӥсьёслэн та ужрадэ пыриськемзы лулчеберетэз утёнлы но азинтонлы юрттэ, со «Семья» йӧскалык ӵектослэн азьмугъёсызлы тупа.

«Удмуртия – асьме дормы!» («Удмуртия – наш общий дом!») Семья нунал Калыкъёслэн Эшъяськон юртсылэн кичӧлтэменызы но йӧскалык политикая министерстволэн юрттэменыз радъяське. Та ужрад сӥземын Атыкай музъемез утисьлэн Арезлы, кудзэ кунмылэн Азьмуртэз Владимир Путин юнматӥз.