Йӧскалык дӥсьлэн нуналэз улсын дизайнеръёслэн дасям этнической коллекциосынызы адӟытон ортчиз. Адӟытон чеберлыкез, аспӧртэмлыкез но лулчеберет узырлык шоры туала учконэз огазеяз. Подиумын учкисьёс Удмуртиысь таланто дизайнеръёслэсь ужъёссэс адӟизы. Яркыт буёлъёс, чебересь пужыос но вашкала кабъёслэн выль вылтуссы шуныт но огкылысь мылкыд кылдытӥзы.

Ужрадлэн партнёръёсыз – ELITE моделингъя но эстетикая школа⁣⁣, HOUSE of BEAUTY чеберлыкъя студия, крезьгур люкетын шулдыртӥзы Chupai Eli, Ladi Sveti но Екатерины Кенӟали. Учкисьёс понна нимысьтыз кузьым луиз Удмурт Элькунысь калык артисткалэн Надежда Уткиналэн кырӟанъёсыз.

Адӟытон, зэмзэ но, яркыт праздниклы пӧрмиз, кытын лулчеберет но мода валчеяськизы.