Выль арлы сӥзем праздник радъямын вал йӧскалык-лулчеберетъя огазеяськонъёсысь огмуртъёслэн но асьме ужасьёсмылэн нылпиоссылы.

Пиналъёс тодматскизы Коӵыш Тодосчилэн паймымон изобретениеныз, кудӥз быгатэ вал кызэз ӝуатыны. Но паймымон арбериез Баба-Яга (обыда) но Кикимора лушкало но сое шӧдтэк шорысь тӥяло.

Тол Бабаен но Лымынылэн ӵош пиналъёс арбериез тупато но праздникез утьыны быгато. Озьы соос, калык шудонъёсты но эктонъёсты уже кутыса, синпӧртмо дырез выльысь берыктыны быгато.