2013-тӥ аре гудырикошкон толэзе «СМИротворец» вожвылъяськон ялэмын вал. Туэ журналистъёслэн йӧскалыккуспо Гильдизы та вожвылъяськонэз радъяз «Народное единство» мерлыко фондэн ӵош. Ужез быдэстыны бадӟым юрттэт сётӥзы Россия Федерациысь улосъёсты азинтонъя министерство но Россиысь калыкъёслэн Ассамблеязы.

Йӧскалык кусыпъёсты югдытон, калыкъёслэсь лулчебертсэс азинтон темаос бордын ужась журналистъёслы та выллем вожвылъяськонъёс Гильдия 2008-тӥ арысен радъя ини.

Та арын жюри ӝыны ар ӵоже федерал но улосвыл ивор вӧлмытон валтосъёслэсь ужъёссэс 5 номинациосъя эскериз: «Телевидение», «Радио», «Печать», «Интренет», «Миграция XXI дауре», ватсаса «Нылпиослы но егитъёслы ивор вӧлмытон валтосъёс».

1-тӥ инты басьтӥсьёс пусйисько вожвылъяськонлэн пусэныз. 2-тӥ но 3-тӥ интыослэн кузёоссылы сётозы дипломъёс. Со сяна вань вормисьёслы Гильдиен ортчытэм дышетон курсъёсы но тренингъёсын пыриськыны луонлык сетӥське.

Вожвылъяськонэ келямын ог 7 000 уж. Вотэсбамын куара сётонын ужъёсты 100 балл сӧзнэтъя дунъяны ӵектэмын вал. Валтӥсь курон – одӥг IP адресысь одӥг куара гинэ сётыны луэ. Калыкъёслэн эшъяськон юртысылэн ӧнерчиез Юля Михалева аслаз «Баллада о розовых лепестках и щедрости армянских богов» статьяеныз «Интернет» номинацие пыриськиз. Ӵапак та ужзэ жюри пыртӥз 33 тужгес но умойёсыз ужъёс пӧлы.

Финалэ потэм журналистъёс, соос пӧлын Юля Михалева но, 25-26-тӥ тулыспалэ ӧтемын Муское. Татын семинар-трениг бере ӟечкылалозы вормисьёсты. Оскиськомы Калыкъёслэн эшъяськон юртсылэн сайтэз вормисьёс радын луоз шуыса!