24-тӥ инвожое Сарапул ёросысь Дулесово гуртын ӟуч лулчеберетлы сӥзем «Высокий берег» фестиваль радъяськоз.

Ужрадэз ортчыто Удмурт Элькунысь ӟуч лулчеберетъя огазеяськон, «Сарапул ёрос» муниципал кылдытэтлэн Администрациез Удмурт Элькунысь йӧскалык политикая но Удмурт Элькунысь лулчеберетъя но туризмъя министерствоослэн но Калыкъёслэн Эшъяськон юртсылэн юрттэмзы улсын.

Фестивале Россилэн пӧртэм сэрегъёсысьтыз коллективъёс вуозы.

Ужрадлэн программа:

10.00-11.00 – Калык коллективъёсын пумиськон, быгатонлыкъёсъя калык школа;

12.00-13.00- Куно пумитан;

12.00-17.00 – «Сельский Торжок» кибашлыослэн киужъёсынызы адӟытон-вузкарон, мастер-классъёслэн ужзы;

13.00-14.00 – Фестивалез сӥё-дано усьтон;

14.00-16.00 – Творческой площадкаослэн ужзы;

16.00-18.00 – Фестивальлэн концерт люкетэз, йылпумъянъёс лэсьтон, коллективъёсты данъян;

18.00-19.00 – Хоровод;

20.00-23.00 – Егитъёслэн шулдыръяськонзы;

Ватсаса ивортодэт басьтыны луэ таӵе телефонъёсъя: 8 (34147) 2-72-62 – МБУК “Туризмъя но ӧнеръёсъя «Высокий берег» центр”, 8-912-760-50-70 – Сентякова Татьяна, туризмъя методист.