Кенеше Глазкарысь, Воткакарысь, Сарапулысь, Кез, Эгра, Вотка, Пичи пурга ёросъёсысь делегациос вуозы.

Огазеяськонлэн кивалтӥсезлэн В.Н. Ерошенколэн кылъёсызъя, кенешын 2015-тӥ арлы йылпумъянъёс лэсьтозы, 2016-тӥ арлы ужпумъёсты пусъёзы.

Вуоно арын казакъёс малпало утиськонъя предприятиос кылдытон ужзэс азинтыны, нюлэсэз утёнъя уж нуыны, МЧС-ысь но МВД-ысь ӧнерчиослы юрттыны.

Озьы ик атаманъёс вераськозы Эграын, Каракулиноын, Ижкарын, Глазыкарын нимысьтыз дышетон класъёс сярысь, егитъёслы атыкай музъемез яратон но гажан мылкыд пыӵатон сярыс вераськозы. Вераны кулэ, туннэ нунал понна кадет классъёсын дышетско 100-лэсь ятыр пиналъёс.