Пленарной кенешонын Кез ёрослэн Тӧроез Иван Богданов быдэстэм ужъёслы йылпумъянъёс лэсьтӥз.

Министр Эдуард Петров озьы ик докладэныз тодматӥз. Эдуард Степанович пыриськисьёслы Министерстволэн ужез, вуоно ар понна валтӥсь ужпумъёсыз но азьмугъёсыз сярысь вераз.

Асьме ӧнерчиосын дасям тематической секциосы ёрос Администрациысь огмуртъёс, элькун но ёрос коммерциен герӟаськымтэ огазеяськонъёсысь кивалтӥсьёс, лулчеберетъя но дышетонъя ужъюртъёсысь ужасьёс пыриськизы. Со сяна, министр ёросын улӥсьёсын нимысьтыз пумиськон радъяз.

Палэнэ ветлонэн валче «По родному краю с любовью» ӵектосъя йылпумъянъёс лэсьтэмын вал. Та ужрад бордын мылысь-кыдысь ужазы йӧскалык-лулчеберетъя огазеяськонъёсысь кивалтӥсьёс.

Оглом ужрадэ 300 адями пыриськиз.

Пайдаё нунал йӧскалыкъем концертэн йылпумъяськиз, отчы пыриськизы творческой коллективъёс но оген кырӟасьёс.