Быдэс дуннеысь Удмурт кыллэсь нуналзэ пусйён улсын, удмурт кылын вераськисьёс, тунсыкъяськисьёс но удмурт кылэз вӧлмытыны тыршисьёс понна #удмурт_кыл нимо флешмоб ялӥськомы.

Вань мылкыд карисьёсты пыриськыны ӧтиськом!

Со понна кулэ:

– Асьтэлэн Вконтакте вотэсбамады #удмурт_кыл хештеген туспуктэм поныны. Хештегез пӧртэм сямен луэ лэсьтыны, валтӥсез, тунсыко но
аспӧртэмлыко амалэн сое возьматыны;

– Удмурт кылын пичияк текст гожтыны (кылсярысь: Ӟечбуресь, мынам нимы Иванов Иван. Мон пыриськисько Йӧскалык политикая министерстволэн флешмобаз. Удмурт кыл мон понна…);

– Посттэс мед быгатомы шедьтыны шуыса #удмурт_кыл хештегез озьы ик текстын пусъелэ.

Флешмоб 27 шуркынмонозь кыстӥськоз. Ойдолэ ивортодэт лентамез милям хештегез басьтыса тунсыко туспыктэмъёсын чебертом!