24-тӥ куаролэзе Каракулино черкогуртын радъямын вал ӟуч кыллы, чеберлыко литературалы, книгалы но лулчеберетлы сӥзем праздник. Татчы люкаськизы пӧртэм ёросъёсысь но бускель улосъёсысь куноос.

Ёросысь муниципал кылдытэтъёс асьсэлэсь вузъёссэс «Каракулинское подворье» (Каракулино азбарын) ярмаркаын вузазы. Куноос но, кузёос но дӥсяллям яркытэсь калык дэремъёс, пӧраллям калык сиёнъёс. Со ик юмшанлы вашкала шöм пыртыны юрттӥз.

Вазь ӵукна Дун Чылкы Пантилейлэн храмаз вöсяськон ортчиз. Епископ Викорин молебен ортчытӥз.

Славян гожтэтлы но лулчеберетлы сӥзем «От Кирилла и Мефодия до наших дней» (Кирилл но Мефодий дорысен туннэ нуналозь) элькун фестивалез усьтӥзы Каракулино ёрослэн тӧроез С.Н. Русинов, ӟуч лулчеберетъя Удмурт Элькунысь мерлыко огазеяськонлэн кивалтӥсез С.С. Фефилов, Епископ Викторин.

Фестивалез шулдыртӥзы Сарапул, Дэри, Кияса, Камбарка, Каракулино ёросъёсысь 20-лэсь ятыр коллективъёс.

Ужрадэз ортчытӥзы ӟуч лулчеберетъя Удмурт Элькунысь мерлыко огазеяськон, «Каракулино ёрос» муниципал кылдытэт Администраци, Удмурт Элькунысь йöскалык политикая министерство, Калыкъёслэн эшъяськон юртсы.