8-тӥ гудырикошконэ Киров улосысь Слободской ёросысь Светозарево гуртын «Выль ӝук» выль емышлы сӥзем удмурт калык шулдыръяськон ортчоз. Праздникез радъя Кироов улосысь удмуртъёслэн мерлыко огазеяськонзы. Дышем сямен ини та удмурт калык шулдыръяськон йӧскалык шулдыръяськонлы пӧрмиз – пӧртэм йӧслыко адямиос татчы лыктыса тодматско удмуртъёслэн лулчеберетэнызы, сям-йылолъёсынызы.

Элькунысьтымы бускель удмуртъёс доры мынозы йӧскалык политикая министр Л.Н. Буранова, «Вань удмуртъёслэн «Удмурт Кенеш»» улосвылкуспо мерлыко огазеяськонзылэн вице-президентэз В.П. Хохряков, Камсьӧр удмуртъёслэн мерлыко огазеяськонзылэн кивалтӥсез Ф.А. Чибышева, Удмурт Элькунысь калык артист А. Плотникова но Глазкарысь «Янчик» бесерман коллектив.

Ватсаса ивортодэт басьтыны луэ таче телефонъя: (3412) 68-77-98 Удмурт Элькунысь йӧоскалык политикая министерствоысь план лэсьтонъя но этнокультура азинтонъя ёзэт.