Кировын удмурт лулчеберетлы сӥзем нунал ортчоз

Главная страница > Ивортодэт центр > Иворъёс > Кировын удмурт лулчеберетлы сӥзем нунал ортчоз

09 April 2014 Иворъёс

13-тӥ оштолэзе Кировын ортчоз удмурт лулчеберетлы сӥзем нунал. Бускель улосын улӥсь удмуртъёсты ӟечкылыны элькунысьтымы делегаци мыноз. Ужрадэ пыриськоз Удмурт Элькунысь йӧскалык политикая министрлэсь ужзэ быдэсъясь Лариса Николаевна Буранова.

Ужрадэз ортчыто: Киров улосысь Лулчеберетъя департамент, Калык быгатонлыкъёсъя Киров улосысь юрт.

Ужрадлэн валӥсь ужпумез – Киров улосын улӥсь удмуртъёслэсь лулчеберетсэс утён но вӧлмытон; улосын улӥсь калыкъёслы лулчеберет пыр ог-огзэсты валаны дышетон, гажан мылкыд пыӵатон; егитъёсты йӧскалык сям-йылолъёс вылэ инъяськыса будэтон.

Ужрадэ пыриськозы Киров улосын улӥсь удмуртъёс, Удмурт Элькунысь удмуртъёс, удмурт коллективъёс но ансамбльёс, чеберлыко киужъёсъя но ӧнеръёсъя юртъёс, ивор вӧлмытӥсь валтосъёс, лулчеберетъя но дышетонъя ужъюртъёс.

Ортчытыны малпамын «Национальные культуры Кировской области: современное состояние и перспективы развития» («Киров улосын улӥсь калыкъёслэн лулчеберетсы: туала инлыкез но азинтӥськемез») котырес ӝӧк, чеберлыко киужъёсъя но ӧнеръёсъя центръёслэн но юртъёслэн адӟытонзы, калык дӥськут адӟытон, «Пузкар» киноез лэсьтӥсьёсын пумиськон, концерт но «Эктоника» позыръяськон.

ПРОГРАММА

08.00-10.00

Ужрадэ пыриськисьёсты но ӧтем куноосты пумитан

1-тӥ этаж

11.00-15.00

Чеберлыко киужъёслы но удмурт литературалы сӥзем адӟытон

1-тӥ этаж

11.00-15.00

«Удмурт калык дӥськутлэн чеберлыкез» («Очарование удмуртского костюма») йӧскалык дӥськут адӟытон

– Т.Н.Москвиналэн ужъёсыныз адӟытон

– Кировысь технологи колледжысь студенъёслэн выль шӧмын лэсьтэм калык дӥськутъёсты возьматон

1-тӥ этаж

11.00-12.00

Удмурт калык шудонъёс но ӵошатсконъёс

2-тӥ этаж

12.00

Удмурт лулчеберетлы сӥзем нуналэз усьтон

2-тӥ этаж

12.15-13.00

Мастер-классъёс:

– «Удмурт калык дӥськут шоры выль учкон»;

– «Йӧскалык лулчеберетлэн туала мерлыкын иныез»

Калык дӥськутъёсты возьматон

2-тӥ этаж

12.30-14.30

«Киров улосын улӥсь калыкъёслэн лулчеберетсы: туала инлыкез но азинтӥськемез» котырес ӝӧк

310-тӥ номеро каб.

13.00-14.30

«Пузкар» киноез лэсьтӥсьёсын пумиськон. Кино возьматон

Бадӟым зал

15.00-16.30

«Удморт нерге» гала-концерт

Бадӟым зал

16.30

Ужрадэз ворсан

Бадӟым зал

17.00-20.00

«Эктоника» этнодискотека

2-тӥ этаж

Ужрад ортчоз таӵе адресъя: Киров кар, Октябрь проспект, 38-тӥ юрт, Калык быгатонлыкъёсъя улосысь юрт

Ватсаса ивортодэт басьтыны луоз: телефон/факс: (8332) 36-29-80 – Кайсина Галина Дмитриевна, Фоминых Мария Владимировна. Электрон адрес kirov-odnt@yandex.ru

Сайтысь утчано

Кировын удмурт лулчеберетлы сӥзем нунал ортчоз