Та вожвылъяськон Удмурт Элькунысь «Сохранение, изучение и развитие государственных языков Удмуртской Республики и иных языков народов Удмуртской Республики» кун программаез быдэстон улсын ортчытэмын но коммерциен герӟаськымтэ мерлыко огазеяськонъёслэсь йӧскалык кусыпъёсты умоятон но экстремизмен нюръяськон удысын ужзэс азинтон но умоятон вылысь малпамын.

Вожвылъяськон ортчытӥське Коммерциен герӟаськымтэ огазеяськонъёслы кун йӧскалык политика удысын ӵектосъёсты но ужрадъёсты быдэстыны, улоскупсо ужрадъёсы пыриськыны субсидия висъян радлыкъя, кудӥз юнматэмын Удмурт Элькун Кивалтэтлэн 157-тӥ номеро пуктэтэныз 2018-тӥ арын 27-тӥ оштолэзе.

Вожвылъяськон таӵе номинациосъя ортчиз:
1) амалтодослыко но дышетон центръёслэсь ужзэс радъянэн герӟаськем ӵектосъёсты улонэ пыӵатон (одӥг ӵектослы самой троссэ 211 500 манет курыны луэ вал, быдэстоно 2023-тӥ аре гудырикошконысен толсурозь)
2) Россиысь калыкъёслэсь кылъёссэс дышетонъя шутэтскон нуналъёсы ужась этнокультурной школаослэсь, курсъёслэсь (соос пӧлын онлайн-курсъёс) ужзэс радъянэн герӟаськем ӵектосъёсты улонэ пыӵатон (одӥг ӵектослы самой троссэ 150 000 манет курыны луэ вал, быдэстоно 2023-тӥ аре гудырикошконысен толсурозь)
3) Удмурт Элькунлэн палэназ улӥсь удмуртъёслэсь этнокультурной аспӧртэмлыксэс утёнэн герӟаськем ӵектосъёсты улонэ пыӵатон (одӥг ӵектослы самой троссэ 543 000 манет курыны луэ вал, быдэстоно 2023-тӥ аре гудырикошконысен толсурозь)
4) Удмурт Элькунысь калыкъёслэсь кылъёссэс утён, дышетон, азинтон удысын тыршем понна котькуд ар сётӥськись премиосты висъянэн герӟаськем ӵектосъёсты улонэ пыӵатон (одӥг ӵектослы самой троссэ 40 000 манет курыны луэ вал, быдэстоно 2023-тӥ аре гудырикошконысен толсурозь)

Вожвылъяськонлэн йылпумъянъёсыныз но ӧрилэн протоколэныз тодматскыны луэ Министерстволэн вотэсбамаз «Конкурсное распределение субсидий в 2023 году» люкетын.